Jæja, mikið hlýtur mér að leiðast í dag - ég er alveg óhugnanlega dugleg að blogga. En netið er ennþá leiðinlegt og vill ekki hleypa mér inn á einu síðurnar sem ég ætlaði að nota í dag svo einhvers staðar verða vondir að vera.
En út af því vefsíðuleysi þá hef ég neyðst til að vera niðri á Þjóðdeild - sem er hryllingur þegar veðrið er svona gott, en þá er því verkefni lokið og ég get farið heim að fara yfir verkefni.
Voðalega er maður samt eitthvað varnarlaus þegar maður kemst ekki í póstinn sinn.

Og í óspurðum fréttum þá sá ég strákinn sem minnir mig á Oz áðan - hann var í Pink Floyd bol sem hæfir fyrirmyndinni og svo fattaði ég að rauðbröndótti kötturinn sem er alltaf að þvælast í anddyrinu á Bókhlöðunni minnir mig óneitanlega á Stalín (eða allaveganna eins og ég ímynda mér að Stalín hafi litið út), bara aðeins stærri - kæmist alveg örugglega ekki fyrir í vasa.